Velkominn á heimasíðu FERSKS PASTA!
Efni heimasíðunnar byggir á faglegri vinnu þar sem markmiðið er að koma sem bestum upplýsingum um FERSKT PASTA, hvað fyrirtækið stendur fyrir og vörur þess til þeirra sem vinna í stóreldhúsum og allra áhugamanna um matargerð.
Þar sem kröfur um betra hráefni og ýtarlegri upplýsingar um næringargildi og hlutfall hráefna í tilbúnum réttum aukast sífellt þótti sjálfsagt að koma þessum upplýsingum á framfæri á aðgengilegan og öruggan máta. Þannig geta þeir sem versla inn fyrir stóreldhús og mötuneyti skoðað vörurnar og metið gæði þeirra og útlit.
Með því að smella á “vöruflokk” og velja síðan þá vöru sem áhugi er á að skoða nánar birtast mjög greinagóðar upplýsingar um innihald, næringargildi og hlutfall hráefna í réttinum. Þar að auki er hægt að smella á myndina til að stækkan hana enn frekar og skoða hvernig rétturinn lítur út og tillaga að því hvernig bera má réttinn fram.
Þessu til viðbótar er útlistað á einfaldan máta hvað varan “innheldur” og “inniheldur ekki” af þeim hráefnum sem valdið geta ofnæmi hjá ungum sem öldnum.
Þessar upplýsingar hefur FERSKT PASTA unnið og sett fram í góðri samvinnu við Fríðu Rún Þórðardóttur næringarráðgjafa Landspítalans. Með því uppfyllum við þær kröfur sem gerðar eru um upplýsingar frá framleiðanda sem framleiðir fyrir stóreldhús og aðra matvælaframleiðslu.
